+0 به یه ن
بو گونلر " فریدون احمدیان " جنابلارینین یئنی آلبومی بازارا گلیب . بو آلبوم " محبت سون سوز دور " آدلانیب و 10 ماهنی سی وار .
بو یازی دا بو آلبومون بیرینجی ماهنی سین سیز اوچون قویموشام . بو ماهنی نین آدی " بیر نی كیمی هردم " دی . اومورام بو آلبومو آلماقینان ، بو گئنج اوخوجوموزا یاردیم اولاسیز .
+0 به یه ن
آذربایجانین دوچرخه سواری تورو آغلار – گولر آیینین 23 – دن ، 28 – نه قدر دوغو و باتی آذربایجان و اردبیل استانلاریندا كئچیریله جك . كئچن آی تورون بینؤره سین قویان « اكبر گهرخانی » جنابلاری دونیاسینی دئییشدی و بو ایل بو تور بو كیشینی داها گؤرمه یه جك . بو توردا 15 خارجی تیم و 6 ایرانلی تیم آیاق ویراجاقلار . بو تیملردن توركیه نین " برسیا اسپور " و " شكر اسپور تیملری ایتالیانین " MICHE – GUERCIOTTI " و " AMORE & VITA " تیملری و استرالیا ، گونئی آفریقا ، ژاپن ، مالزی ، قزاقستان ، بئلژیك ، آلمان و هنگ كنگ ایله سوییس دن بیرلشمیش تیملر واردیلار . بیرده اوزبكستان و قزاقیستانین میللی تیملری ده واردیلار .
همی ده تبریزین " پتروشیمی " و " سورن " تیملری ، اردبیلین " پانا " تیمی ، اورمونون " جوانان خیر " تیمی ، كرمانین " ولی عصر " تیمی و " دانشگاه آزاد " تیملری ده ایراندان بو تور دا واردیلار .
+0 به یه ن
اوشاخلارا توركی دیل اؤیرتماق اوچون ، اونلارا توركجه ناغیل دئماق ، چوخ اؤنملی ایش ساییلیر . « خوخان » آدلی نئچه توركجه یازیلمیش ناغیل ، اینترنت دونیاسیندا یاییلماق حالیندادیر . من « آفتاب آذربایجان » درگی سیندن بو توپلاما ایله تانیش اولدوم . بورادا بو توپلو دان بیر ناغیل یازیرام . سیزده www.xoxan.com سایتینا باش وورساز بو گؤزل ناغیل لاردان اوخویا بیلرسیز . كیچیك اوشاقلاری اولانلار و كیچیك باجی – قارداشلاری اولانلار حتما باش ووروب اوشاقلاری بو ناغیل لاری تعریف ائله سینلر .
آنا خوخان قوناق گئدیب. من له آتا خوخان اؤزوموزه ناهار پیشیریریك.سحرآنام گئدنده تاپشیریب آتادان گؤز اولام. من ده گؤز اولورام داا. آتا خوخان یئرآلما سویور. دئیرم:« وئر من سویوم!» دئیر:«پیچاق الینه دوشر.» محبتله اوزونه باخیرام بلكه نظری ده‌ییشدی. گولوب دئییر :«یــــــوخ» یادیما دوشور آنام یئر آلمالاری او یئكه قیرمیزی تاوایا تؤكر قاچیرام اونو تاپام. آتام دئییر:«هـــه سن اؤزونه اویناسان هرزاددان یاخشیدیر» من كابینتلری آختاریرام. او یئكه قیرمیز تاوا هاردادیر بس آخی؟! آتام اوتاقدان منه شعر اوخویور:«بالاجا قیزیم دو چای قوی...ائوی سوپور ناهار قوی! »
+0 به یه ن
گؤیلومی ایسته سه هر كیمسه هراسان اولسون
اودا من تك گؤروم آخیرده پریشان اولسون
مین گؤیول حسرت نان ایله پریشان اولسا
قویمارام دلبریمین زولفی پریشان اولسون
هر كیم ایستیر وطنیندن قاچا دیوانه كیمین
تا اؤلونجه قالا غربت ده ، مسلمان اولسون
مومن كامل ایدیم بنده فراوانلیقدا
كافر اولدوم ، بو گرك كی باهالیقدان اولسون
+0 به یه ن
ایندی بیر ایلده چكدیگی زحمتی هئچ اولان اكینچی نین دویغوسوندایام !
بوگون بیر ایللیك زحمتیمیز هئچه گئتدی . تیراختور آسیادان قالدی ! بولورم گینه آسیا اویونلارینا چاتماقا اومود وار ، آمما دیله ییرم گئتمیاق آسیایا !
گئداق آسیادا " مسعود ابراهیم زاده " بوش قولی وورسون ائشییه ؟
گئداق آسیادا " علی علیزاده " هرنه توپ یئتیشیر ، وئرسین رقیبه ؟
گئداق آسیا دا " محمد نصرتی " بارا وئرسین ؟
گئداق آسیا دا " فراز كمالوند " اؤز یانلیش لاری ایله اویونو اودوزماقا باعیث اولسون ؟
گئداق آسیا دا " كرار جاسم محمد " – ین ییخیلیب پئنالتی آلماسینا اومود باغلیاق ؟
گئداق آسیادا 100 مین نفر تاماشاچی گلسین استادیوما ، آمما تكجه 500 نفری تیراختوری آلقیشلاسین ؟
گئداق آسیا دا اودوزاق ، تاماشیچیلار صندل لری سیندیرسینلار ؟
گئداق آسیا دا اویوندان چیخاندان سونرا ، " یگان ویژه " داشینان میللتی وورسون ؟
هئچ ایسته میرم گئداق !
آسیا من گلمیرم !
هادی سن ساغ ، من سلامت !
+0 به یه ن
توركی دیلینده حئیوان آدلاری چوخ چئشیدلی اولاراق ، گاهدان اونلارین اركك لری ایله دیشی لرینین آدلاری فرقلی اولور . بو یازیدا اونلارین نئچه سینین یازمیشام .
سیزده بونلاری اوخویاندان سونرا بویرون سیزین ماهال دا بو حئیوانلار نه آدلانارلار ؟
بونلاردان باشقا آد دا بیلسز حتما باخیش لار بؤلومونده یازین ، من ده بو لیسته آرتیرارام !
|
توركجه |
فارسجا |
|
آت |
اسب |
|
قارتال |
عقاب |
|
ایلبیز |
حلزون |
|
یاغان |
فیل |
|
آسلان |
شیر |
|
قورد |
گرگ |
|
قوزغون |
كركس |
|
بایقوش |
جغد |
|
قابان |
خوك نر |
|
دونقوز |
خوك |
|
دووشان |
خرگوش |
|
كرتن كه له |
مارمولك |
|
توسباغا |
لاك پشت |
+0 به یه ن
بو سون نئچه گونده ، آذربایجاندا چوخلی یاغیش یاغدی . بو یاغیشلار اكینچی لری سئویندیرمه دن علاوه ، اورمو گؤلونه ده فایدالی اولدی . خبرلره گؤره ، " پیروپاترون یدید نقره " ماده سینی بولودلارا آرتیرماقینان ، بولودلاری بو گؤلون هندهورینده یاغدیریبلار . ائشیتدیقلارا گؤره بو گؤلون سویو بو نئچه گونده 55 سانتیمتر اوسته گلیب . بو ایشدن علاوه ، آراز چاییندان اورمو گؤلونه سو چكمه نین مجوز لری آلینیب و بو طرح تئزلیكده باشلاناجاق !
آذربایجان گلینینین داهی دا گؤزل لنمه سی آرزوسو ایله !
+0 به یه ن
نئچه ایل لر قاباق ، طاغوت حكومتی ایسته دی ایران دا اولان بؤیوك ائل لرین تارخین و فولكولورون اللریندن آلسین . بونا گؤره آسیمیلاسیون (همسان سازی) برنامه لرین باشلادی . بو برنامه نین بویوك ایشلریندن بیری كندلرین و شهرلرین آدلارین دییشماق اولدو . بو یازی دا نئچه شهر و كندین اسكی آدلارین و چئوریلمیش آدلارینی ییغمیشام .
او گونو آرزولورام ایران دؤلتی بو آدلاری اصلینه قئیته ره .
|
چئوریلمیش آد |
اسكی آدی |
|
صومه علیا |
باش سوما |
|
صومعه سفلی |
آشاغی سوما |
|
سگبان |
سئیوان |
|
بزكش |
كئچی قیران |
|
هزار بركه |
بین گول |
|
متعلق |
موتاللیق |
|
جوبند |
جووُت |
|
كشك سرای |
كوشك سارای |