قیش مراسیملری چیلله گئجه ‌سی موناسیبتیله - علیرضا صرافی

+0 به یه ن

بو مقاله 1385-جی ایل 28 آذرده شریف تكنیك اونیورسیته‌سینین شعر و ادب انجومنی‌ تشبّوثویله دوزنله نن چیلله گئجه ‌سی مراسیمینده سونولموشدور.

.
عزیز دوستلار!!
تقدیم ائده‌جه گیم بو مقاله ده آذربایجان فولكلوروندا قیش مراسیملری، اؤزللیكله ده چیلله مراسیمیندن سؤز آچاجاغام:
بیلدیگینیز كیمی اسكی چاغلاردا یاشایان اینسانلارین دونیا گؤروشو، اساطیر (میتولوژی)، آنیمیسم، توتمیسم و... اساسلاریندا قورولموشدور، اونلار بوتون یارانیش و طبیعتین اؤنملی حادیثه‌ لری اوچون میتولوژیك مودل یاراداراق، اونلاری اؤز چیخارلارینجا هم تبیین ائتمیش هم ده اونلارلا یولا گلمیش، اؤزلری اویدوردوقلاری اؤز افسانه‌لره ایناناراق، طبیعتده اوز وئرن چتینلیكلره قاتلانیب، یاشاماغی باجارمیشلار.


ایستر اسكی توركلرین شامانلیق اینانجلاریندا، ایسترسه ‌ده زرتشت دینینده، اود و اوجاق موقدّس و قوتسالدیر.
 [1] آذربایجان خالقی‌نین اینانجلار سیستمی تركیب ینده ایسلامیتدن اؤنجه ‌كی هر ایكی دین (شامانلیق و زرتشتی‌ لیك) اساس رول اوینامیش و بوگونه قدر ده عرف، عادت و مراسیملریمیزده اؤزونو ساخلامیشدیر. بونلارین هر ایكیسینده ده ایشیق و ایستی و گوندوز خئیر، قارانلیق و سویوق و قیش و گئجه ایسه شر ساییلیر (پاشا افندیئف صص 133-136):
آتالاریمیز "قورخ گئجه شریندن" دئمیشلر.


آرديني اوخو

آچار سؤزلر : گئجه, چیلله,

چیلله گئجه سینه گؤره اس ام اس لر

+0 به یه ن

پاییز بو گئجه كؤچوب گئده جك ، قار بوران آق بوخچاسین سره جك ، گلین آنا دیلین و آتا سؤزون اونوتمیاق "چیلله گئجه ز قوتلو اولسون"

.

.

گول اوزونوز آنار كیمی قیرمیزی ، گئجه نیز چیلله قارپیزی كیمی شیرین ، گولماغینیز پوسته كیمی داواملی و عمرونوز چیلله گئجه سی كیمی اوزون اولسون .

sms


آرديني اوخو

آچار سؤزلر : گئجه, چیلله,

آذربایجانیم

+0 به یه ن

چوخدان دی بیر ماهنی قویمامیشدیم وئبلاقدا . ایسته دیم بو بؤلومون یئنی یازیسینا گؤره بیر گؤزل ماهنی قویام.

گؤردوم ائله بو وئبلاقدا اوخونان ماهنیدان گؤزلی اولا بولمز . آذربایجانیم ماهنی سی رشید بهبود اوف جنابلاریندان . اؤنرلریزی گؤزلیرم . 3MB .

دانلود

 




صمد وورغون

+0 به یه ن
آذر آیینین 26 - سینا گؤره بیر گؤزل شعر ، صمد وورغون جنابلاریندان
جللاد! سنین قالاق قالاق یاندیردیغین كیتابلار

مین كمالین شؤهرتىدیر٫ مین اوره یین آرزیسى….

بیز كؤچه ریك بو دونیادان٫ اونلار قالیر یادیگار.

هر ورقه نقش اولونموش نئچه اینسان دویغوسو

مین كمالین شؤهرتىدیر٫ مین اوره یین آرزیسى….

یاندیردیغین او كیتابلار آلوولانیر….یاخشى باخ!

او آلوولار شؤعله چكیب شفق سالیر ظولمته…..

شاعیرلرین نجیب روحو مزاریندان قالخاراق


آرديني اوخو

آذر آیینین 26-سی

+0 به یه ن

سالام

بولمورم بولورسوز یا یوخ . یا بولسز نه قدر بولورسوز . 1324 – مینجی ایلده آذربایجان دا بیر میللی حكومت قورولموشدور . بو حكومت بیر ایل دن سونرا ، تهرانین مركزی ارتشینین الی ایله آرادان آپاریلدی . سؤزوم بو جمهوریت اوچون دگیل . 1325 – مینجی ایلین آذر آیینین 26- سیندا ، ایران ارتشی تبریز شهرین الینه آلاندان سونرا ، بو شهرده اولان بوتون توركجه كیتابلاری بو شهرین ساعات و دانیشسرا میدانلاریندا اوتا چكدیلر . بو ایش ایراندا اولان پان ایرانیست باش ایشچی لرین الی ایله اولوندی و نئچه ایله قدر بو شهرده توركجه یازیلان كیتابی اولان آداملاری اؤلدورردیلر . بو فاجعه نین ایل دؤنومونده ، آذربایجان میللتی ، بیر – بیرینه كیتاب وئرماقینان بو بویوك آپارتاید ایشینی پیسله ماق اوچون چالیشیللار . بو گؤزل ایشده ، توركی دیلین سئون اینسانلار ، بیر كیتابدان علاوه ، بیر قیرمیز قرنفیل گولی یولداشلاری اوچون هدیه ائلللر . من ده چالیشدیم ، اوزاق یولدان ، بو گؤزل و كؤهنه رسمی یولداشلاریم اوچون یئرینه یئتیرم . بو مكتوبون آلتیندان ائلیه بولرسیز ایكی توركجه كیتاب دانلود ائلیه سیز . بیری پروفئسور زهتابی دان اولان « اینجی دیلیم » كیتابی كی اوندان ائلیه بولرسیز توركی دیلین یازیب اوخوماسینی اؤرگه نسیز ، ایكیمینجی كیتاب دا « تورك دیلی و تورك دونیاسی » آدلی بیر كیتاب دی كی اوندان تورك دونیاسینا گؤره یاخشی سؤزلر اؤرگه نه بولرسیز .
 
سون سؤزوم بو اولاجاق ، گلین چالیشاق اؤز توركی دیلیمیزی یاخشی اؤرگه شاق ، بیر- بیریمیز ایله توركی دانیشاق ، اوشاقلاریمزا توركی دیل اؤرگه داق بیرده یادیمیزدا ساخلیاق : « منیم دیلیم اؤلن دییل ، باشقا دیله دؤنن دییل »

یاشا

احمد




سلماس دا محرم لیق مراسیمینه بیر باخیش - توحید ملك زاده دیلمقانی

+0 به یه ن

الف) اسكی توركلرین اؤلوم مراسیم لرینه گیریش

هر ایل تیكرار اولاراق بیر اساطیری- تاریخی شخصین آدینا مراسیم توتماق توركلرین اسكی دب لرینده ن اولموش دور «داها سونرالار توركلر باشقا دین لره گیرینجه،بو اسكی دین آیین لر،میللی بیر عرف و عادت حوكمونه گیرمیش دیر. توركلرده بوندان باشقا «یوخاری دا ماوی سا» ایله «آشاغی دا قارا یئر» آدلی ایكی دینی umde داها واردیركی ایشته توكیو Tu-kiie لرده بونا «یئرسوب/یئرسو» پری لرینه آتا سایدیق لاری قوردون نامینه ایلده بیردفعه دینی مراسیم یاپیلدیغینا،یئنه ایلده بیر دفعه «روح سا» یا مخصوص مراسیم ایله عیبادت ائدیلدیگینه راست گلیریك



آرديني اوخو

آچار سؤزلر : باخیش, محرم,

دلی دؤمرول

+0 به یه ن
ده ده قورقود كیتابی ، تورك دیلینین ان بویوك كیتابلاریندان بیری ایدی . بو كیتاب دا نئچه ناغیل یازیلیب كی اونلاردا تورك لرین تاریخ لری ، فولكولور لاری ، آتا بابا سؤزلری و ... گلیب . بو كیتابین برلوم لریندن بیری دلی دؤمرول ناغیلیدی . بو ناغیلی بورادان دانلود ائلیه بولرسیز .
 



سؤزلوك

+0 به یه ن
دیل اؤیگنمك اوچون ، سؤزلوك ( Dictionary ) نیاز دی . تورك دیل ده بو یاسا دان آیری دگیل . بو یازی دا بیر سؤزلوك دانلود اوچون قویموشام ، آذربایجان توركجه سیندن ، پارسجا چئویره ن سرزلوك . بونی دانلود ائدیب ایشله دین .
توركجه دیلین آرتیق تانینماسینا گؤره ، بو سؤزلوكو یایین .
 
 




radyo dinle