دونن گئجه قاتار ایله "روم" دان چیخان یولچولار، سحره قدر"فابرییانو" آدلی كیچیك بیر دوراقدا قالمالی ایدیلر، بلكه صاباح یئنه بالاجا كؤهنه بیر قاتارلا "سالمونا" یا گئدیب و اصلی قاتار ایله سفرلرینه داوام ائتسینلر.

گون چیخاركم، اؤنجه كی گئجه ایچینده بئش نفر یاتان، ایكینجی درجه لی و توستولو بیر فایطوندان، پوتا بیر آرواد چیخیب، اونو - بونو ایته له یركن، آچیلمیش بیر بوقچا كیمی، قاتارا میندی. آرخاسیندا نفسدن دوشموش و سیزیلدایا - سیزیلدایا، بالاجا و آریق بیر كیشی گلدی. اوزو آغ-آپپاق، بالاجا و ایشیقلی گؤزلری ایسه اوتانجاق گؤرونوردو.

سؤزلر پارچا - پارچا دئییلر، هر پارچا بیر هئجادیر و هر هئجا دا بیر سسلی وار. مثلاً گؤزل سؤزونده بیر سسلی وار و بیر دفعه آغیزدان چیخیر، بونا گؤره ده بیر هئجالی سؤزدور. آمّا آنا= آ+نا سؤزو ایكی پارچا حالدا آغیزدان چیخیر، اؤزونده ده ایكی سسلی وار، بونا گؤره ده ایكی هئجالی سؤزدور.

سؤزده نه قد سسلی اولسا، بیر او قدر ده هئجا ااولار. هئجالارین سایینا گؤره سؤزلر بیر هئجالی /ال - آت - گؤز - باش - گؤل و.../، ایكی هئجالی/ آنا - بابا - آتا - وطن - قوچاق - اینك/، اوچ هئجالی/ قهرمان - مهربان - قارداشلیق - انسانلیق - دومانلی - ایمانلی/، دؤرد هئجالی/ یازیچیلیق - آذربایجان - قاچیریلماق - مسلمانلیق - داواملیلیق/، بئش هئجالی/ یاشیللاشدیرماق - آبادلاشدیرماق - آذربایجانلی - تندلشدیرمك / و... اولور.

یئنه بیر ایل گلیب گئچدی. بو بیر ایل ده منه چوخلو اولای لار توشدو. اوخول یولداشلاریمنان بیری دونیاسینی دئییشدی، یاخین قوهوم لاردان ایكی سی دونیالارین دئییشدیلر و نئچه آجی اولای. آمما اوست - اوسته منه بیر یاخشی ایل اولدو. بو ایل ده من یئنی یولداشلار تاپدیم، بو ایل ده من ایشله ماقا باشلادیم، و بو ایلین سون گونلرینده، اوچونجو دؤنه اولاراق دایی اولدوم!

بو ایلده بو بلاگ دا چوخلو یازیلار یازدیم، چوخلو یولداشلار تاپدیم بورادا، چوخلو بیلگی لر اؤرگندیم بو یولداشلاردان. اولو تانری دان ایسته ییرم بو یئنی ایل منه ، آیله مه و یولداشلاریما بركتلی ایل اولسون. یئنه دئییرم

"یئنی ایلیز قوتلو اولسون"