+0 به یه ن
توپ عربی و «بوی وئرمك» دئییمی
دیوارین دیبینده، بیر یاریم داییره جیزیق چكرلر. مئیدانین او باشیندا دا دیوار دیبینده بئلنچی جیزق جیزارلار.
اویونچولار ایكی بؤلونر. جیزیقا گیرن دسته بلیرله نر و جیزیغا گیرر. ایكینجی دستهنین بیر اویونچوسو الینه بیر بالاجا رئزین توپ آلار و جیزیقدان آرالی ائشیكده دایانار. ایكینجی دسته نین قالان اویونچولاری مئیدانا سپیلرلر. جیزیقداكیلارین بیری، اؤزونو قاچماغا حاضیرلایار. الینده توپ اولان ائشیكدهكی اویونچویا دئیر: بوی وئر! او اویونچو الیندهكی توپو گؤیه آتار. توپ عووجا (عوج) یئتیشنده، بیرینجی اویونچو توپون یئره قاییداجاق سوره سینی (مودّتینی) قاچیب الدن چیخماغینا اویغون گؤرمزسه، دئیر: اوجا آت! بوی وئر!
بو سفر توپو اول كیندن اوجا آتار. ایكی - اوچ كره بئلنچی تكرار اولار. اگر بویون اوچالیغی اونون دئدیگینجه اولدو، وار گوجو ایله قاچار. توپ ائندیكده، ائشیكدهكی اویونچو توپو توتار و قاچانین دالینجا آتار. دیمزسه، ایكینجی دسته نین مئیدانداكی اویونچولاری توپو توتار و اونو وورماغا چالیشارلار. هر حالدا او اویونچو قارشیداكی جیزیغا چاتینجا توپ بیله سینه دیرسه، اؤلر و سیرادان چیخار. یوخسا چاتیب گیرر و جیزیغین ایچینده دورار.
باش جیزیقداكی بیرینجی دستهنین اویونچولاری بئلنچی بیر - بیر قاچاجاق و قارشیداكی جیزیغا گیرمگه جان آتاجاقلار.
بو اویونلا ایلگیلی اوخودوغوم بیر قزئت ده، بو سؤزلر قئیده آلینمیشدیر: اویونچولارین بیرینه توپ دیدیكده، اویون قارشی (موقابیل) دسته نین الینه كئچر. اویون اوندا بیتر كی بیر دستهنین اویونچولاری هئچ بیری وورولمادان قارشی دسته نین فرارگاهینی بوتون آلسینلار.
بورادان اویاناسی ذئهنیمده دئییل. آنجاق دئمك اولاركی ایكینجی آشامدا (مرحله ده)، دسته لر یئرلرینی دیشیرلر. یعنی ایكینجی دستهنین اویونچولاری ایچری گیرر، بیرینجی دسته ائشیكده اولار.
* بوی وئر!: توپو اوجایا آت و یئردن اوجالاجاق بویونو چوخ ایپئله! قوشبازلار دا مرجلشن ده، اؤزونو ضعیف بیلن طرف دئیر: بوی وئر!
فولكلور وارلیغیمیز
علی ظفرخواه