ایگیرمی اوچونجو هفته

+0 به یه ن

بوگون ایرانین فوتبال لیگینین ایگیرمی اوچونجی هفته سیندن ، تبریزین تراختور تیمی ، انزلی نین ملوان تیمی ایله بو لیمان دا اوینادیلار . بو اویونو سونوندا ، ایكی – هئچه انزلی چیلر اوتدولار . بو اویوندان بیز زاماندا ، تبریز ده شهرداری تیمی ، قم شهرینین صبا تیمی ایله اوینادیلار . بو اویونودا بیر – هئچه صبا تیمی اوتدی .

بو اویونلاردان سونرا ، دسته بیر رقابت لرینده ده تبریزین ماشین سازی تیمی ، اراكین همیاری تیمی ایله اوینادیلار ، بو اویون دا بیر – بیره قوتولدی . گسترش فولاد دا بوشهر شهرینده ، ایران جوان تیمی ایله هئچ – هئچه اولدولار . بوگون آذربایجان فوتبالینا پیس بیر گون اولدو . بو هفته نین سونودا تراختور 38 امتیاز ایله 4 ده قالدی ، شهرداری 24 امتیاز ایله 13 ده قالدی ، ماشین سازی دا 20 امتیاز ایله 10 دا دی . گسترش ده 26 امتیاز ایله 5 ده دی .




دده قورقود

+0 به یه ن

دده قورقود كیتابی تورك خالقینین فولكلور و ادبیات دونیاسیندا گؤزل و آرادان گتمیین اثرلرین بیریندن ساییلیر. دده قورقود ناغیل لاری نئچه عصیرلر بوندان قاباق بو گؤنكوآذربایجان آدلانان یئره گلیب و حماسه‌لر و قهرمانلیق‌لار یارادان بیر كؤچری ائل‌لرین ناغیلیدیر.

بو كیتابدا توركلرین آیری فولكلوراثرلری كیمی نظم ونثر(سوی-بوی)حالیندا یازیلیب. اورادا 2000 بیت شعر گلیب دیر كی كیتابین یوزدن اوتوزودور(30% ). بو شعرلر چوخلو عاشیق‌لارین سازیلا خالقا اوخونورموش. بو گؤن الیمیزده اولان اثرده ایسلامی باخیشلا یازیلان اؤن سؤز و یا باشقا حیصه‌لرده بونا اوخشار مطلب‌لر اولسادا، اونون ایسلامدان اؤنجه یازیلماسی شكسیزدیر. نئچه آراشدیریجی‌لارین نظرینه گؤره(بارتولد، علی بیگ‌زاده،جفری لویس و...) بو ناغیل‌لار ایسلامدان اؤنجه یازیلیب و سونر اونو دییشدیریب‌لر. میرعلی سیدسلامت بو باره‌ده بئله یازیر: « اونون یازیلماسینین دؤزگؤن تاریخی بللی اولماییب اما بیر سیرا اونو میلادین 10-جو و 11-جی عصیرلرینه و بیر سیرا اونو 7-جی و 8-جی عصیرلره نیسبت وریبلر و احتمالی واركی تاریخی فاصیله سی داهادا اوزاق اولموش اولا ». سید سلامت جنابلارینین آراشدیرماسینا گؤره اوغوز قبیله‌لرینین آذربایجانا گلمه‌سیندن قاباق بو ناغیل‌لار دؤزلمیشدیر و جفری لویسون نظرینه گؤره «اوغوز» سؤزجؤگؤ قبیله وائل معناسیندادیر و تورك كلمه سینین اونا آرتماسیندان «تورك قبیله سینی» آنلامینی دویوروق.

حمیده محمدزادگان



آرديني اوخو

آچار سؤزلر : قورقود, دده,

تبریز چن ایچینده ! ( تبریز در مه )

+0 به یه ن

بو گونلر ایران تلویزونون بیرینجی كانلیندان بیر سریال گؤرسه دیلیر . بو سریالین آدی « تبریز در مه » اولارق اونا باخماقا ماراغلاندیم . اورادا روس لارین گنجه ایله شیروان منطقه لرینه یوروشماقلارینا گؤره دانیشیلیر . بو فیلمی « محمدرضا ورزی » جنابلاری جورله ییبلر . اونون باشلانیشیندا بیر گؤزل ماهنی اوخونور . بو گون سیزه او ماهنی نی دانلود اوچون حاضیرلامشیام . بللی اولانا قدر بونو « علی خدایی » جنابلاری اوخویوبلار .

 

یوكله

 




آچار سؤزلر : تبریز,

اورمودا اوچاق قضاسینین قیرخینجی گونو

+0 به یه ن

بوگون چارشمبه بهمنین 27نجی گونو مظلوم اهالی نین ایهمالا قوربان گئتدیك لری او قورخونج اؤلوملو اوچاق قضاسینین قیرخینجی گونودور. او طالعسیز گونده هموطنلریمیز مظلومجاسینا جان وئردیلر. یول و ترانسفر باخانی میللت وكیل لری طرفیندن سورقویا آلیندی ، آمما باخان حتی مجلیس ده اولما نزاكتینده بولونمادی. رییس جمهوردا بئله بیر نزاكت گوسترمه دی . سانكی بیزیم هموطن لریمیز اؤلومه محكوم ایمیشلر. مجلیس سورومسوز باخانی ایشدن آلدی ، آمما رییس جمهور اینسانلارا عیناد دیه اونو آلیب دانیشمان لاری اوردوسونا داخیل ائدیب و یئنیدن كابینه یه سوخدو. مملكتین اوست اوزی دین آدامی و بیرینجی مقام دا اولانلارا حتی بیر تعزیه مئساژیدا وئرمه دی. بو اینسانلیق مودور ؟ بو وطن سورلیك مودور ؟ بو مملكت دارلیق مودور ؟

اورمولو تایماز ( بیر آز دییشمه ایله )

آردین دا اوخویون !



آرديني اوخو

سوغورلو

+0 به یه ن

یولداشلاریمدان بیری بویورموشدولار آذربایجانین گؤرمه لی یئرلریندن شكیل قویام بلاگا . " سعید " جان بویور ! بو سن بو دا " سوغورلو " ( تخت سلیمان ) منطقه سینین شكیل لری .



آرديني اوخو

فوتبال لیگینین 22 - مینجی هفته سی

+0 به یه ن

 

بوگون ایرانین فوتبال لیگینین 22 مینجی هفته سیندن ، تراختور تیمی ، بوشهرین شاهین تیمی ایله اوینادی . بو اویونو ایكی – بیره تراختور تیمی اوتدی . تراختورون ایكی قولون دا كرار جاسم محمد ( 6 و 78 ) ووردو . شاهینین قولون دا عباس پورخسروانی ووردو . بو اویونو 30 مین نفر ، یاخیندان باخدیلار .

بوگون همیده تبریزین شهرداری تیمی ، آبادانین نفت تیمی ایله اوینادیلار . بو اویون بیر – بیره قورتولدو . شهردارینین قولون كارلوس ادواردو ، 30 – مینجی دقیقه ده و آبادان تیمینین قولون رسول نوید كیا ، 47 – مینجی دقیقه ده ووردولار .

بو هفته نین سونوندا تراختور تیمی جدولده 4 و شهرداری تیمی 13 دیلار.

 




آچار سؤزلر : فوتبال,

فعللرده زامان - ایكینجی بؤلوم

+0 به یه ن

ج – دواملی كئچمیش / ماضی استمراری /

بو نوع فعل ایشین كئچمیشده اؤزون بیر مدتده باش وئرمه سینی بیلدیریر . بو فعلین علامتلری دؤرد چئشیدلی « یردی ، ێردی ، وُردو ، ۆردو » و یا ایكی چئشیدلر « آردی ، اردی » دن عبارتدیر كی ، فعلین كركونه قوشولار . یازیردیم ، یازیردین ، یازیردی ، یازاردیم ، یازاردین ، یازاردی ...

اینكار علامتلری ایسه « ماز ، مه ز ، م » دیر . مثلاً : گلمزدین ، یازمازدیم ، قاچمازدیق ، یازمیردیم ، گلمزدیك ، یازمیردین ، یازیردیق ، یازیردینیز / یازیردیلار ، یازمیردیم ، یازمیردیز ...

آشاغیداكی جدول ده دواملی كئچمیشین تصریفینی گؤرورسوز :

 

دواملی كئچمیشین تصریفی 1

 

شخصلر

تصدیق

اینكار

من

گؤر + وردو + م

گؤرمه ییردیم = گؤرموردوم

سن

گؤر + وردو + ن

گؤرمه ییردین = گؤرموردون

او

گؤر + وردو

گؤرمه ییردی = گؤرموردو

بیز

گؤر + وردو + ك

گؤرمه ییردیك = گؤرموردوك

سیز

گؤر + وردو + نوز/ ز

گؤرمه ییردیز/ نیز = گؤرموردوز / نوز

اونلار

گؤر + وردو + لر

گؤرمه ییردیلر = گؤرموردولر



آرديني اوخو

فعللرده زامان - بیرینجی بؤلوم

+0 به یه ن

یولداشلاردان بیری سوروشموشدولار توركی دیلینده نئچه زامان واریمیز. بو یازیدا چالیشمیشام بو یولداشین جاوابینی وئرم . بو یازیلاری « پروفسور دوقتور محمدتقی زهتابی » نین كیتابیندان یازمیشام . بو یازینین آلتیندا اونون پی دی اف شكلینده اولان كامیل فایلین دا یوكله یه بیلر سیز .

ایش و یا حركت زامان خاریجینده اولا بیلمز . فعل زامان سیز اولماز . زامان فقط فعله مخصوصدور . زامان یا كئچمیش ، یا ایندی و یا گلجك اولا بیلیر . زامان ایكی ایش آراسینداكی / حال حاضیر و ایشین ایجرا وقتی / زامانی معین لشدیریر . بو او دئمكدیر كی ، مختلیف مختلف زاان لار یالنیز ایندیكی زامانلا مشخص ائدیله بیلر ، بونسوز كئچمیش و گلجك زامانی تعیین ائتمك اولماز . كئچمیش و یا گلجك زامانلار آنجاق ایندیكی زامانا نسبت كئچمیش و یا گلجك ساییلیر .

دیلیمیزده مختلف زامانلار بیر سیرا شكیل چیلر واسطه سیله بلهه نیر كی ، فعللرین كؤكلرینه قوشولار . بو شكیل چیلر آشاغیداكیلاردان عبارتدیر .

دانلود

 



آرديني اوخو


radyo dinle