محررم آیی

+0 به یه ن

محرم آیی یاخینلاشماقدا دیر. بو آیدا آذربایجان دا یاشایانلار دا او بؤیوك ایمامین اؤلمهسینه گؤره عزا توتاللار . بو عزالاردا ارنملی نوحه لر اوخونار . بو نوحه بیر آدلی نوحه دیر اوستاد شهریار دان . خیدمتیزده . گؤرشلریزی گؤزلیرم .

هلال محرم

محرم دیر ، خانیم زئینب عزاسی

بیزی سسلیر حوسئینین كربلاسی

یولی باغلی قالیب دوشمن الینده

داها زووارینین یوخ سس – صداسی

( بوگون كربوبلا ویران اولوب دور )

( حوسئین اؤز قانینا غلطان اولوب دور )



آرديني اوخو

محمود قبه زرین

+0 به یه ن

هر كیمدن آییرسان منی، تبریزدن آییرما  

                بو سئوگیلی یوردون نفسین بیزدن آییرما

اینسانه وطن، روكنی- تواندیر، دایاناق دا

                آللاهینا باخ، طاقتیمی دیزدن آییرما

تبریزله عزیز اولدوم، ایزیم قالدی جاهاندا

                توفانه دؤنوب گل منی بو ایزدن آییرما

چوخلار سؤزودور، شهری- بلادیر بو بلاخیز

                من زادی- بلانی بو بلاخیزدن آییرما

آخسام آرازام، آخماسام آنجاق قورو باتلاق

               دریا چاغیریر، گل ائوی ائوسیزدن آییرما

 

محمود قبّه زرین (آراز)

 

   تبریزده قارداشلارین سنی بیر عؤمر ماحمود داداش دئیه- دئیه چاغیردیلار؛ تهراندا غلامحسین ساعدی یه سنی ماحمود داداش چاغیرماغا هئچ ایذن وئردیلرمی؟

   تهرانین وحدت تالارینا سؤیله یین بوراخسین آرازیمیزی؛ بو آراز آراز ایله بیرگه چاغلاماق ایسته ییر. وحدت تالارینین قارشیسیندان یولا سالین گلسین تبریزین گول اوغلون، مئهریبان اوغلون! آخی آشیغی بیر عؤمر تبریزده "چال آشیق" دئیه- دئیه چالدیرماغا چاغیرماق ایسته ییب بو تورپاغین اییید اوغلو! تهراندا یوخو آلمیش گؤزونو...

   آی بالام! بالا باغداكی شیر و خورشید تالارینین آدرئسینی بیلن وارمی؟! تهران، وحدت تالارینین قارشیسیندان یولا سالسا دا؛ تبریز، بو خلف ائولادینی بو تالارین قارشیسیندان یولا سالماق ایسته ییردی آخی...

   محمود قبّه زرین سون اویونونو "الویداع" آدلی تاماشاسیندا اویناماق ایسته ییر. بالا باغین دا، شیر و خورشید تالارینین دا، ایندی دئمك اولار ارك ین ده آدرئسینی تاپا بیلمه دیییمز اوچون بو نوماییش باشقا یئرده صحنه لشدیریله جك! گؤروشوموز: تبریز/ تاریخ قبریستانی/ اؤلمزلر بؤلومو/ جلیل محمّد قولوزاده، بؤیوك خان نخجوانی، غلامحسین ساعدی، اسد صادقی، و... نهایتده شیر و خورشید تالارینین مزارلاری جیواری. سایغیلی تاماشاچیلاردان ایسته نیلیر اوستاد قبّه زرین ین بو سون تاماشاسی ایجرا اولا- اولا موبایللاریزین سسینی باغلایاسیز؛ آخی تبریزین تاریخ قبریستانینین اؤلمزلر بؤلومونده یاتانلار دوروب تبریزین تئاترینین جان اوسته اولماسینی دویسالار سوموكلری تیتره مه یه باشلار! ساغ اولون.
آیدین سرداری نیا جنابلاریندان بو یازیه گؤره میننت دارام .



یورد - ایكینجی بؤلوم

+0 به یه ن
یورد ناغیلینین ایكینجی بؤلومون بو یازدان اوخویا بیلرسیز.
بو ناغیلین بیرینجی بؤلومون گؤرماق اوچون ، وئبلاقین ناغیل بؤلومونه باش وورون.
" آلبرت " اونون ان بؤیوك قارداش نوه سی دئدی :" او یئریییب گلدی ، قاپییا یئتیشركن ماشینی ساخلادیب ، بیر آز یول یئریمهیینی سؤیلهدی ."

-         " قولاق آس ، من ایكی ایلدیر ، یورقان – دؤشهییمدن ائشییه چیخمامیشام . اونلار منی ماشینا دوشوردوب ، میندیریبلر . بئله دوشونوردوم كی داها بیرده آیاقلاریم اوسته یول یئریمهیهجم ، آمما چینارلاری گؤرر – گؤرمز ، دوشوندوم كی باشارا بیلرم. من بو یولدان دوز اللی – ایكی ایل اؤنجه ، بورادان قاچاركن ، كئچمیشم آمما ایندی یئنه قاییدیرام ."



آرديني اوخو

غدیر بایرامی

+0 به یه ن
غدیر بایرامی بوتون تورك لره قوتلو اولسون
سئییدلر ثوابیندا اولاسیز!                                                                   




آچار سؤزلر : بایرام,

ائی گول ( علی آقا واحید )

+0 به یه ن

ائی گول ، سنی آخیر ، بیلیرم اؤیرهدن اولدو

سالدین منی هیجرانه ، بو بیلمم نهدن اولدو؟

دؤزدوم نه قدر زحمته ، هر نازینی چكدیم

كؤنلوم غمی – عئشقینله اسیرئ – محن اولدو!

سن بؤیله وفاسیز دییلدین ، بیلیرم من

ظننیمجه ، سنی بو ایشه تحریك ائدن اولدو!

روسوایئ – جاهان ائیلهدین آخیر منی گئتدین

ایندی منه بیگانه گلیب طعنه زن اولدو!

بیر واقت پشیمان اولاجاقسان بو عمل دن

سندن بو ایشین ، بلكه حئسابین چكن اولدو!

گزدین گؤزلیم غئیریله ، من دردینی چكدیم

گلدی نه بلا باشیما ، بو غوصصه دن اولدو!

واحید او گولون وصلینه بیگانه یئتیشدی

دردین چكن عالمده بیر آنجاق حسن اولدو!




آچار سؤزلر : آقا, گول,

اوتدوقدا – اوتوزدوقدا

+0 به یه ن
بوگون ایرانین آرادان قالدیریلما ( حذفی ) لیقاسیندان ، تبریزین تراختور تیمی ایله شهرداری تیملری اوینادیلار. بو اویونون پیس وقت ده اولماسینا گؤره ، تكجه 7 مین نفر بو اویونا یاخین دان باخدیلار . بو اویون دا تراختور تیمی 5 – 2 ه شهرداری تیمین اوتدی . تراختورون قول لارین داوود دانشدوست 10 – مینجی دقیقه ده ، علی علیزاده 16 – مینجی دقیقه ده ، محمد حسن ابراهیمی 25 – مینجی دقیقه ده ، داوود دانئشدوست 42 – مینجی دقیقه ده ، كرار جاسم محمد 91 – مینجی دقیقه ده ووردولار . شهرداری نین قول لارین دا ووریا غفوری 59 – مینجی دقیقه ده ، سعید دقیقی 61- مینجی دقیقه ده ووردولار . تراختور تیمی بو اویونو اوتاندان سونرا انزلی لیمانینین ملوان تیمی ایله تبریزده اویونو وار . بو تیمه موفقیت آرزیلیرام.                                                                       

tiraxtur

احمد



سالاملار

+0 به یه ن

سالاملار

بو منیم بو وئبلاقدا اولان 50 – مینجی یازیم ساییلیر. 4 آی اراده سینده منی بو وئبلاقدا یاردیملیین یولداشلاریما میننت دارام . اونلارین الین اؤپیرم. بو وئبلاقا گؤزل باخیش لارینی بویورن لر ، گاهدان بو وئبلاقا باش وورانلار ، بیرده منی باغلانتیلارینا آرتیرانلاردان چوخلی تشككور ائله مه لییم. یولداشلاریمین چوخی بو وئبلاقا باش ووروب ، باخیش لاری ایله منی بو یولدا آرتیق گئتماقا ماراغلاندیردیلار. بیر آز یولداشلاریمنان دا منیم بو ایشیمی هئچ سایدیلار. ایكی گروپ دا منه هؤرمتلی دیلر. ایندی ده من گؤزل و یاخشی یولداشلاریمنان ایستیرم منی بو یولدا آرتیق یاردیملاسینلار. كیمسه نین گؤزل و اؤنملی یازیسی اولسا من اونون میننتین ده چكرم بو وئبلاقدا یازماقا. گینه ده گرزل باخیش لارینیزی گؤزلیرم. منه باش وورون.

منیم دیلیم اؤلن دییل * باشقا دیله دؤنن دییل

یاشاسین منیم آنا دیلیم

احمد محمّدخانلو




قوربان بایرامینا گؤره ائس ائم ائس لر

+0 به یه ن

قوربان بایرامینی سئودیكلرینیزله برابر ساغلیق و حضور ایچینده گئچیرمنیزی دیله ریك. بایرام توم اینسانلیقا خئیرلی اولسون.

.
.
گؤزللیك، بیرلیك, برابرلیك دولو, داها گؤزل و موتلو بیر قوربان بایرامی  دیلیریك. بؤیوكلریمیزین اللرینده و اوشاقلاریمیزین گؤزلریندن اؤپوروك   

sms



آرديني اوخو

آچار سؤزلر : قوربان,


radyo dinle