محررم آيي

+0 به يه ن

محرم آيي ياخينلاشماقدا دير. بو آيدا آذربايجان دا ياشايانلار دا او بؤيوك ايمامين اؤلمهسينه گؤره عزا توتاللار . بو عزالاردا ارنملي نوحه لر اوخونار . بو نوحه بير آدلي نوحه دير اوستاد شهريار دان . خيدمتيزده . گؤرشلريزي گؤزليرم .

هلال محرم

محرم دير ، خانيم زئينب عزاسي

بيزي سسلير حوسئينين كربلاسي

يولي باغلي قاليب دوشمن الينده

داها زووارينين يوخ سس – صداسي

( بوگون كربوبلا ويران اولوب دور )

( حوسئين اؤز قانينا غلطان اولوب دور )



آرديني اوخو

محمود قبه زرين

+0 به يه ن

هر كيمدن آييرسان مني، تبريزدن آييرما  

                بو سئوگيلي يوردون نفسين بيزدن آييرما

اينسانه وطن، روكني- تواندير، داياناق دا

                آللاهينا باخ، طاقتيمي ديزدن آييرما

تبريزله عزيز اولدوم، ايزيم قالدي جاهاندا

                توفانه دؤنوب گل مني بو ايزدن آييرما

چوخلار سؤزودور، شهري- بلادير بو بلاخيز

                من زادي- بلاني بو بلاخيزدن آييرما

آخسام آرازام، آخماسام آنجاق قورو باتلاق

               دريا چاغيرير، گل ائوي ائوسيزدن آييرما

 

محمود قبّه زرين (آراز)

 

   تبريزده قارداشلارين سني بير عؤمر ماحمود داداش دئيه- دئيه چاغيرديلار؛ تهراندا غلامحسين ساعدي يه سني ماحمود داداش چاغيرماغا هئچ ايذن وئرديلرمي؟

   تهرانين وحدت تالارينا سؤيله يين بوراخسين آرازيميزي؛ بو آراز آراز ايله بيرگه چاغلاماق ايسته يير. وحدت تالارينين قارشيسيندان يولا سالين گلسين تبريزين گول اوغلون، مئهريبان اوغلون! آخي آشيغي بير عؤمر تبريزده "چال آشيق" دئيه- دئيه چالديرماغا چاغيرماق ايسته ييب بو تورپاغين ايييد اوغلو! تهراندا يوخو آلميش گؤزونو...

   آي بالام! بالا باغداكي شير و خورشيد تالارينين آدرئسيني بيلن وارمي؟! تهران، وحدت تالارينين قارشيسيندان يولا سالسا دا؛ تبريز، بو خلف ائولاديني بو تالارين قارشيسيندان يولا سالماق ايسته ييردي آخي...

   محمود قبّه زرين سون اويونونو "الويداع" آدلي تاماشاسيندا اويناماق ايسته يير. بالا باغين دا، شير و خورشيد تالارينين دا، ايندي دئمك اولار ارك ين ده آدرئسيني تاپا بيلمه ديييمز اوچون بو نوماييش باشقا يئرده صحنه لشديريله جك! گؤروشوموز: تبريز/ تاريخ قبريستاني/ اؤلمزلر بؤلومو/ جليل محمّد قولوزاده، بؤيوك خان نخجواني، غلامحسين ساعدي، اسد صادقي، و... نهايتده شير و خورشيد تالارينين مزارلاري جيواري. سايغيلي تاماشاچيلاردان ايسته نيلير اوستاد قبّه زرين ين بو سون تاماشاسي ايجرا اولا- اولا موبايللاريزين سسيني باغلاياسيز؛ آخي تبريزين تاريخ قبريستانينين اؤلمزلر بؤلومونده ياتانلار دوروب تبريزين تئاترينين جان اوسته اولماسيني دويسالار سوموكلري تيتره مه يه باشلار! ساغ اولون.
آيدين سرداري نيا جنابلاريندان بو يازيه گؤره ميننت دارام .


يورد - ايكينجي بؤلوم

+0 به يه ن
يورد ناغيلينين ايكينجي بؤلومون بو يازدان اوخويا بيلرسيز.
بو ناغيلين بيرينجي بؤلومون گؤرماق اوچون ، وئبلاقين ناغيل بؤلومونه باش وورون.
" آلبرت " اونون ان بؤيوك قارداش نوه سي دئدي :" او يئريييب گلدي ، قاپييا يئتيشركن ماشيني ساخلاديب ، بير آز يول يئريمهييني سؤيلهدي ."

-         " قولاق آس ، من ايكي ايلدير ، يورقان – دؤشهييمدن ائشييه چيخماميشام . اونلار مني ماشينا دوشوردوب ، مينديريبلر . بئله دوشونوردوم كي داها بيرده آياقلاريم اوسته يول يئريمهيهجم ، آمما چينارلاري گؤرر – گؤرمز ، دوشوندوم كي باشارا بيلرم. من بو يولدان دوز اللي – ايكي ايل اؤنجه ، بورادان قاچاركن ، كئچميشم آمما ايندي يئنه قاييديرام ."



آرديني اوخو

غدير بايرامي

+0 به يه ن
غدير بايرامي بوتون تورك لره قوتلو اولسون
سئييدلر ثوابيندا اولاسيز!                                                                   



ائي گول ( علي آقا واحيد )

+0 به يه ن

ائي گول ، سني آخير ، بيليرم اؤيرهدن اولدو

سالدين مني هيجرانه ، بو بيلمم نهدن اولدو؟

دؤزدوم نه قدر زحمته ، هر نازيني چكديم

كؤنلوم غمي – عئشقينله اسيرئ – محن اولدو!

سن بؤيله وفاسيز دييلدين ، بيليرم من

ظننيمجه ، سني بو ايشه تحريك ائدن اولدو!

روسوايئ – جاهان ائيلهدين آخير مني گئتدين

ايندي منه بيگانه گليب طعنه زن اولدو!

بير واقت پشيمان اولاجاقسان بو عمل دن

سندن بو ايشين ، بلكه حئسابين چكن اولدو!

گزدين گؤزليم غئيريله ، من درديني چكديم

گلدي نه بلا باشيما ، بو غوصصه دن اولدو!

واحيد او گولون وصلينه بيگانه يئتيشدي

دردين چكن عالمده بير آنجاق حسن اولدو!



اوتدوقدا – اوتوزدوقدا

+0 به يه ن
بوگون ايرانين آرادان قالديريلما ( حذفي ) ليقاسيندان ، تبريزين تراختور تيمي ايله شهرداري تيملري اويناديلار. بو اويونون پيس وقت ده اولماسينا گؤره ، تكجه 7 مين نفر بو اويونا ياخين دان باخديلار . بو اويون دا تراختور تيمي 5 – 2 ه شهرداري تيمين اوتدي . تراختورون قول لارين داوود دانشدوست 10 – مينجي دقيقه ده ، علي عليزاده 16 – مينجي دقيقه ده ، محمد حسن ابراهيمي 25 – مينجي دقيقه ده ، داوود دانئشدوست 42 – مينجي دقيقه ده ، كرار جاسم محمد 91 – مينجي دقيقه ده ووردولار . شهرداري نين قول لارين دا ووريا غفوري 59 – مينجي دقيقه ده ، سعيد دقيقي 61- مينجي دقيقه ده ووردولار . تراختور تيمي بو اويونو اوتاندان سونرا انزلي ليمانينين ملوان تيمي ايله تبريزده اويونو وار . بو تيمه موفقيت آرزيليرام.                                                                       

tiraxtur

احمد


سالاملار

+0 به يه ن

سالاملار

بو منيم بو وئبلاقدا اولان 50 – مينجي يازيم ساييلير. 4 آي اراده سينده مني بو وئبلاقدا يارديمليين يولداشلاريما ميننت دارام . اونلارين الين اؤپيرم. بو وئبلاقا گؤزل باخيش لاريني بويورن لر ، گاهدان بو وئبلاقا باش وورانلار ، بيرده مني باغلانتيلارينا آرتيرانلاردان چوخلي تشككور ائله مه لييم. يولداشلاريمين چوخي بو وئبلاقا باش ووروب ، باخيش لاري ايله مني بو يولدا آرتيق گئتماقا ماراغلانديرديلار. بير آز يولداشلاريمنان دا منيم بو ايشيمي هئچ سايديلار. ايكي گروپ دا منه هؤرمتلي ديلر. ايندي ده من گؤزل و ياخشي يولداشلاريمنان ايستيرم مني بو يولدا آرتيق يارديملاسينلار. كيمسه نين گؤزل و اؤنملي يازيسي اولسا من اونون ميننتين ده چكرم بو وئبلاقدا يازماقا. گينه ده گرزل باخيش لارينيزي گؤزليرم. منه باش وورون.

منيم ديليم اؤلن دييل * باشقا ديله دؤنن دييل

ياشاسين منيم آنا ديليم

احمد محمّدخانلو



قوربان بايرامينا گؤره ائس ائم ائس لر

+0 به يه ن

قوربان بايراميني سئوديكلرينيزله برابر ساغليق و حضور ايچينده گئچيرمنيزي ديله ريك. بايرام توم اينسانليقا خئيرلي اولسون.

.
.
گؤزلليك، بيرليك, برابرليك دولو, داها گؤزل و موتلو بير قوربان بايرامي  ديليريك. بؤيوكلريميزين اللرينده و اوشاقلاريميزين گؤزلريندن اؤپوروك   

sms



آرديني اوخو


radyo dinle