كئچمیش لرین سؤزودور بئله روایت ائله ییرلر كی ، ایكی ار – آرواد ، عائله قوران واخت شرط كسیرلر كی ، عومورلرینین سونونا قده ر ، بیر – بیرلرینین قئیدینه قالیب ، همیشه جان دئییب – جان ائشیتسینلر . بئله ده اولور .

اونلار خوشبخت یاشاماغا باشلاییرلار . كیشی آخشاما كیمی چؤلده اكینچی لیك ائله ییر . آرواد – دا ائو ایشلرینده ن باشقا یون اییریب  ، شال توخویور.

نئچه گون خیدمتیزده اولمادیغیمی منه باغیشلایین . بیلگی سایاریمین ایرادی واریدی. بوگون بیر گؤزل شعر ایله وارام .

گول منی سن ایسته سن عومروم هدر اولماز

صلح اولماسا ، اولاد وطن بخته ور اولماز

آزاده لیقی ، صلحی ، سئویللر بیزیم ائللر

بیر یئرده كی صلح اولسا ، او یئرده ضرر اولماز

اودلار وطنین نازلی گؤزل لر بورویوبدور

ائللرده مثل واركی ، گؤزل سیز شهر اولماز

آهیم اودو بلكه ائله سین قلبینه تأثیر

نئیسان سویونو ایچمه یه داشدان گهر اولماز

هیجران گئجه سی ، من چكه نی چكمه سین اغیار

ظنیم جه قیامت گونو بوندان بتر اولماز

زولفون اؤزونو توتسادا ، گؤیچك لیگین آرتیر

ظلمت گئجه لر اولماسا ، آیدین سحر اولماز

واحد ، سنه غم چكمه رقابت ائدن اولسا

مین گؤل قوووشا بیر یئره بحر خزر اولماز

علی آقا واحد

تیراختور یانداشلاری تیراختوردان، حمله ائدیب قول وورماق ایسته‌یه‌نده، معمولن دئییرلر :"تیراختور حمله ائله جیریخ یئرین تاپمیسان"؛ ایكینجی میصرع ائله ده یاخشی دئییل. آما بو گونكو ائل یاریشیندا آزربایجان تیملری‌نین فرقلی اولماماقلارینا گؤره اونو بئله دئدیلر: " تیراختور حمله ائله، بیز آسیا ایستیریك " بو اولدوقجا گؤزل، ماراقلی و دوشونجه‌لی بیر شوعار ایدی؛ یارادانی و دئیه‌نلری‌نین اللری آغریماسین.

اینسان اوغلو آنا دیلدن آیریلماز ؛ ال دیرناقدان ، دیرناق الدن آیریلماز

تیكان گولو اؤز كامینا چكسه ده ؛ گول بولبولدن ، بولبول گولدن آیریلماز

داغین بئلیمارال لارا اویلاقد یر ؛ بئل مارالدان ، مارال بئلدن آیریلماز

دنیزلره صفا وئریر سونالار ؛ گول سونادان ، سونا گولدن آیریلماز

كلمه لره جان باغیشلیر دیل – دوداق ؛ دیل دوداقدان ، دوداق دیلدن آیریلماز

چك میضرابی گولسون قوپوز گولسون تئل ؛ تئل میضراب دان ، میضراب تئلدن آیریلماز

ائل اوغلویام ، من ائلینم ائل منیم ؛ ائل چایلی دان ، چایلی ائلدن آیریلماز

صمد چایلی

بو مقاله 1385-جی ایل 28 آذرده شریف تكنیك اونیورسیته‌سینین شعر و ادب انجومنی‌ تشبّوثویله دوزنله نن چیلله گئجه ‌سی مراسیمینده سونولموشدور.

.
عزیز دوستلار!!
تقدیم ائده‌جه گیم بو مقاله ده آذربایجان فولكلوروندا قیش مراسیملری، اؤزللیكله ده چیلله مراسیمیندن سؤز آچاجاغام:
بیلدیگینیز كیمی اسكی چاغلاردا یاشایان اینسانلارین دونیا گؤروشو، اساطیر (میتولوژی)، آنیمیسم، توتمیسم و... اساسلاریندا قورولموشدور، اونلار بوتون یارانیش و طبیعتین اؤنملی حادیثه‌ لری اوچون میتولوژیك مودل یاراداراق، اونلاری اؤز چیخارلارینجا هم تبیین ائتمیش هم ده اونلارلا یولا گلمیش، اؤزلری اویدوردوقلاری اؤز افسانه‌لره ایناناراق، طبیعتده اوز وئرن چتینلیكلره قاتلانیب، یاشاماغی باجارمیشلار.

چوخدان دی بیر ماهنی قویمامیشدیم وئبلاقدا . ایسته دیم بو بؤلومون یئنی یازیسینا گؤره بیر گؤزل ماهنی قویام.

دانلود