لیگین رییسی، عزیزالله محمدی دئدی: احتما‌لی وار لیگین بئشینجی و آلتینجی كوماندا‌لاری AFC یاریشما‌لارینا قاتیلا‌لار. محمدی‌نین دئدیگینه گؤره، AFC او اؤلكه‌لره كی آسیانین قهرمانلار لیگینده نماینده‌لری واردی تكلیف ائدیب، AFC قهرمانلار لیگینده ده ایكی كوماندا ایشتیراك ائده بیلرلر.

محمدی داوامیندا آرتیریب: بیز بو تكلیفی قبول ائتمیشیك و اگر بو اولای اوز وئره، كئچن لیگین 5-جی و 6-جی كوماندا‌لارین AFC قهرمانلار یاریشما‌لارینا گؤندرجییك.

بو خبر اگر دوغرو اولسا تبریزین تراكتور و خوزستانین فولاد كوماندا‌لاری AFC قهرمانلار یاریشما‌لارینا گؤندریله‌جك‌لر. بو خبر اگر بو فصل اجرا اولا، تراكتور كومانداسی ایرانین ایكینجی درجه كومانداسی اولا‌راق، بو یاریشما‌لاردا ایشتیراك ائده‌جك.

رئپور: محمدرضا محمد حكم آبادی

قایناق: ایلا خبر آگئنتی

بوگون نئچه گؤزل شكیل شهریم تبریزدن سیز اوچون توپلامیشام.

بونلاری FaceBook سایتندا اولان بیر صحیفه دن توپلامیشام.

ایسته دیم بونلارینان تبریز شهرینین گؤزللیكلرین آرتیق تانیتدیرام.

شكیل لرین هامیسین بیر فایل دا یوكله یه بیلرسیز.

یوكله

حسنون گؤزل آیت لری ای سئوگیلی جانان

          اولموش بوتون عالمده سنین شأنینه شایان

گل ائیله عنایت منه وئر بوسه لبیندن

          چونكی گؤزلین بوسه سیدیر عاشقه احسان

سوردوم كی كؤنول هاردادی آلدیم بو جوابی

          هئچ سورما تاپیلماز اونو آختارسا دا انسان

رحم ائیله دئییب سئل كیمی گؤزل یاشیمی تؤكدون

          گل قانیمله ال یوما ای آفت دوران

انصافین اگر اولسا آچیق سؤیله « نظامی »

          سنله نئجه رفتار ائله سین ای مه تابان

گل سؤیله زمانین نه اولار سورغو زمانی

          احوالیمی سندن سوروشارسا قیزیل آسلان

نظامی گنجوی

Həyatda üç şeyi sevirəm: səni, ürəyimi, ümüd etməyi.

Səni sevdim sənsən deyə, ürəyimi sevdim səni sevir

deyə, ümüd etməyi sevdim bəlkə bir gün sevərsən deyə.

حیاتدا اوچ شئیی سئویرم، سنی، اوره گیمی، اومود ائتمهیی. سنی سئودیم سنسن دئیه، اوره گیمی سئودیم سنی سئویر دئیه، اومود ائتمه یی سئودیم بلكه بیر گون سئورسن دئیه!

Unudulanlar unudanları heç vaxt unutmurlar.

Unutmaq istədiklərimiz əslində unuda

bilmədiklərimizdi!

اونودولانلار اونودانلاری هئچ وقت اونودمورلار. اونوتماق ایسته دیكلریمیز اصلینده اونودا بیلمه دیكلریمیز دیر!

كلیبر ماهالی آذربایجانین گؤرمه لی یئرلریندن ساییلیر. منجه اورانین ان گؤرمه لی یئری بابك قالاسی ساییلیر. دئمه لی آینالی ، چیچكلی و باشقا گؤیچك یئرلردن ده گئچمه لی دئییل!

بورادا نئچه شكیل بابك قالاسیندان توپلامیشام. اومورام سئوه سیز !

شكیل لری بویوك گؤرماق اوچون، اونلارین اوستونده كلیك ائدین.

یاشاسین آذربایجان ، یاشاسین آتا بابك !

نئچه آی اولاردی " آتا – بابا سؤزلری " بؤولومونه بیر یازی یازمامیشدیم !

بوگون ایسته دیم بونا گؤره ده بیر یازام !

بونلاری اوخویون و باخیشلاریزی بویورون !

آبیرلی آبیریسیندان قورخار، آبیرسیز دئیر بس اوندان قورخور !

نه گؤزل سؤز دی ...

آت اوستونده وریان آلماق .

حاصلی هئچ اولان ایشه ایشلنر ! ( اكین سوواراندا آتین اوستونده اوتوروب بئل ایله پالچیق قویوب سویون قاباغین آلماق اولماز )

دیلیمزده اولان دوققوز سسلیدن دؤردونو ( آ A – ی I – و U – وُ O  ) دئینده دیل آرخا طرفده یوخاری قالخیر و سس قالین چیخیر. بونلارا دیل آرخاسی و یا قالین سسلیلر دئییلیر. آمما قالان بئش سسلینی ( اَ Ə – ای İ – ؤ Ö – و Ü - ﺌ E ) دئینده دیلین قاباق حصّه سی اؤن داماقدا قالیر و سس اینجه چیخیر. بونلارا اینجه سسلیلر دئییلیر. سسلیلردن « و O – ؤ Ö - ﺌ E ) آذربایجانی كلمه لرینین اساساً بیرینجی هئجاسیندا و یئرده قالانلاری سؤزلرین هر یئرینده گله بیلر. دیلیمیزین سسلیلری قیسادیر.

یاخشیلارلا یولداش اولماق

بیر درویش گزركن آیاقسیز بیر تولكو گؤروب، شاشیردی. «بو حئیوان نه جور یاشاییر، نه یوییر، نه ایچیر؟» دئیرك آللاهین لوطفونه حئیران اولدو. دوشونوركن بیردن بیر شئر ( آسلان ) اورتایا چیخدی، آغزیندا شغال ( چاغال ) وار ایدی. گؤركملی – قورخمالی حئیوان اووونون بیر طرفین یئدی، قالانینی بوراخیب گئتدی. تولكو آرتیغا دوغرو سورونرك یاخینلاشدی. یئییب قارنینی دویوردو. تولكو نون یییه جه یی نین آیاغینا گلدیینی گؤرن درویش اؤز اؤزونه « بیر تولكونون روزوسونو آیاغینا گؤندرن آللاه منیمكین نه دن گؤندرمه سین؟ » دئیرك چالیشماغا مجبور اولمادیغینی، بیر طرفه گئدیب چالیشمادان اوتورا بیله جه یینیی دوشوندو. « آللاه ایسته مه سه گوجلو آسلان دا یئیه جك تاپانماز » دئییب دوشوندویو كیمی ائله دی.

« روزوم آللاهین گؤرونمه ین خزانه سیندن گله جك، چالیشمایا گرك یوخ » دئیرك گؤزله مه یه باشلادی. گؤزله دی ، گؤزله دی .. نه گلن وار نه گئدن ... !