دونن آخشام ايران اوستون فوتبال ليگي باشا چاتدي. بو ليگ ده 34 اويوندان سونرا، اصفهانين سپاهان تيمي هاميدان اوسته دوردي و آذربايجانين تيراختور تيمي ده ايكينجي اوديلار. تيراختور تيمي 66 امتياز آلماق ايله، آسيانين شامپيونلار ليگينه يئتيشدي و گلن ايل بو ياريشمالار دا چاليشاجاق. تبريزين شهرداري تيمي ده ايرانين دسته 1 رقابتلرينه توشدي و گلن ايل تبريزين ماشين سازي و گسترش فولاد تيملري و بينابين گسترش فولاد سهند تيملري ايله دسته 1 ده اويناياجاق.

من ده اؤز طرفميدن بوتون تيراختورچيلارا بوني قوتلاييرام و اونلارا گوني گوندن آرتيق اوغورلار آرزيلاييرام. بو عكسي ده هاميلارا تقديم ائديرم. بوني اؤزوم بو ليگين سون اويونوندا سالميشام. بتر ياپيشدي بو ايلين اويونلاري !

سلاملار

بلاگ دا آز يازماقيمدان مني باغيشلاياسيز. بير آز باشيم قاريشيب درسه، ايشه و باشقا زاد لارا !

بوگون ايسته ييرم توركي آي لارا گؤره بير يازي يازام. چوخلارين بونلارين آدين باشاريرلار، آمما دوزون سؤزي هئچ من اؤزوم ده اونلارين فلسفه سين بيلميرديم. بونلاري استاد "اسماعيل سالاريان" جنابلارينين بلاگيندان گؤتورموشم. ايسته سز اورادا بوندان آرتيق دا اوخويا بيلرسيز.

توركي گونلرين آدي:

يئل گونو = يوْل گونو = جوما (جومه) ائرته سي - شنبه

دونن گئجه قاتار ايله "روم" دان چيخان يولچولار، سحره قدر"فابرييانو" آدلي كيچيك بير دوراقدا قالمالي ايديلر، بلكه صاباح يئنه بالاجا كؤهنه بير قاتارلا "سالمونا" يا گئديب و اصلي قاتار ايله سفرلرينه داوام ائتسينلر.

گون چيخاركم، اؤنجه كي گئجه ايچينده بئش نفر ياتان، ايكينجي درجه لي و توستولو بير فايطوندان، پوتا بير آرواد چيخيب، اونو - بونو ايته له يركن، آچيلميش بير بوقچا كيمي، قاتارا ميندي. آرخاسيندا نفسدن دوشموش و سيزيلدايا - سيزيلدايا، بالاجا و آريق بير كيشي گلدي. اوزو آغ-آپپاق، بالاجا و ايشيقلي گؤزلري ايسه اوتانجاق گؤرونوردو.

سؤزلر پارچا - پارچا دئييلر، هر پارچا بير هئجادير و هر هئجا دا بير سسلي وار. مثلاً گؤزل سؤزونده بير سسلي وار و بير دفعه آغيزدان چيخير، بونا گؤره ده بير هئجالي سؤزدور. آمّا آنا= آ+نا سؤزو ايكي پارچا حالدا آغيزدان چيخير، اؤزونده ده ايكي سسلي وار، بونا گؤره ده ايكي هئجالي سؤزدور.

سؤزده نه قد سسلي اولسا، بير او قدر ده هئجا ااولار. هئجالارين سايينا گؤره سؤزلر بير هئجالي /ال - آت - گؤز - باش - گؤل و.../، ايكي هئجالي/ آنا - بابا - آتا - وطن - قوچاق - اينك/، اوچ هئجالي/ قهرمان - مهربان - قارداشليق - انسانليق - دومانلي - ايمانلي/، دؤرد هئجالي/ يازيچيليق - آذربايجان - قاچيريلماق - مسلمانليق - داوامليليق/، بئش هئجالي/ ياشيللاشديرماق - آبادلاشديرماق - آذربايجانلي - تندلشديرمك / و... اولور.

يئنه بير ايل گليب گئچدي. بو بير ايل ده منه چوخلو اولاي لار توشدو. اوخول يولداشلاريمنان بيري دونياسيني دئييشدي، ياخين قوهوم لاردان ايكي سي دونيالارين دئييشديلر و نئچه آجي اولاي. آمما اوست - اوسته منه بير ياخشي ايل اولدو. بو ايل ده من يئني يولداشلار تاپديم، بو ايل ده من ايشله ماقا باشلاديم، و بو ايلين سون گونلرينده، اوچونجو دؤنه اولاراق دايي اولدوم!

بو ايلده بو بلاگ دا چوخلو يازيلار يازديم، چوخلو يولداشلار تاپديم بورادا، چوخلو بيلگي لر اؤرگنديم بو يولداشلاردان. اولو تانري دان ايسته ييرم بو يئني ايل منه ، آيله مه و يولداشلاريما بركتلي ايل اولسون. يئنه دئييرم

"يئني ايليز قوتلو اولسون"

بير ايل ده قورتولماقدا دي. بايراما قاخينلاشديقجا، آذربايجانين اسكي دب لري ياديما توشر. بو گؤزل دب لردن بيري «ايلين آخير چرشنبه سي» دبي ساييلير. بو گونون اؤنملي عنعه لريندن نئچه سيني بير يازيدا «فولكلور خزانه سي» كيتابيندان سيز اوچون حاضيرلاميشام. بير يازي دا بيلدير چرشنبه آخشامي يازميشديم. سئوسز اونا دا باش وورون.

" ايلين آخير چرشنبه سي نين قاباقكي گونو، بير عنعه اولاراق، سحر كندلي بازار اولاردي. كندلي لر گليب آينا، داراق، عطير، كاغيذگول، كوزه، يئدي له وين و ... آليب كنده قاييدارديلار. ناهاردان سونرا ايسه، شهرلي لر بازارا چيخيب چرشنبه ليك آلارديلار. ايلين آخير چرشنبه سينه آچيلان گئجه، اول آخشام، «اجيزه» دن دوزلميش «قاروره» يا باريت دان دوزلميش «قفتاراققا»، «تومانا گيرن»، «جين كوزه سي»، بانكي (فيشيلدايا - فيشيلدايا گؤيه گئدردي) و ... شئي لر آتار، اود يانديرار و اوستوندن آتلانارديلار.

چوخدان ايدي بير گؤزل ماهني آختاريرديم وئبلاق دا قويماق اوچون. بوگون نئچه سايتي آختارماقدان سونرا، «موسيقيميز» سايتيندا بو ماهني ني گؤردوم، دئديم بورادا قويوم سيز ده قولاق آسين.

« نازلانا نازلانا » ماهني سي « نسيم محمودي » دان.

يوكله يين و باخيشلارينيزي بويرون !

يوكله

نئچه وقت دن سونرا ايسته ديم بير يازي يازام. گؤردوم چوخدان دي مئساز يازماميشام، دئديم شايد بير نفر ايسته دي سئوگيليسنه توركي SMS گؤندره. بير نئچه سئوگي مئساژي بورادا حاضيرلاميشام. قبول ائليرم بير آز اوزونلارين سئچميشم، آمما سئوگيلي اولماقين دا خرجي وار دااا !

Həyatda üç şeyi sevirəm: səni, ürəyimi, ümüd etməyi.

Səni sevdim sənsən deyə, ürəyimi sevdim səni sevir deyə,

ümüd etməyi sevdim bəlkə bir gün sevərsən deyə.1

حياتدا اوچ شئيي سئويرم: سني، اوره گيمي، اومود ائتمه گي. سني سئوديم سن سن دئيه، اوره گيمي سئوديم سني سئور دئيه، اومود ائتمه گي سئوديم بلكه بير گون سئورسن دئيه.

***