آذربایجان، باشین ساغ اولسون!

+0 به یه ن

نئچه گون آذربایجانین اوره گی تیتره دی!


نئچه گون اؤنجه، آذربایجان ماهالینین بویوك بیر بؤلومونده تپرم (زلزله) اولدی. قاراداغ دا ائولرین برك اولماماسینا گؤره، بو تپرم ده ائولرین چوخو ییخیلدی و یوردداشلاریمیزدان چوخلاری دونیالارین دئییشدیلر. آذربایجان میللتی (هم ده بیر آز ایران میللتی) قاراداغداكی یاسلی جماعته یاردیم ائتدیلر و اونلارییالنیز بوراخمادیلار. هر كس الیندن گلنی بو اولایین یارالیلارینا ائیله دی و اونلارا یاردیم ائتدی. بو گونلرده آذربایجان میللتی اؤز بیرلیكین هامیلارا گؤرستدی و «یاشاسین آذربایجان» سؤزونو بیر داها اوجادان سسلندیردی!

یاشاسین آذربایجان

یاشاسین اهر، هریس، ورزقان




آچار سؤزلر : آذربایجان,

آفتاب آذربایجان – 54

+0 به یه ن

« آفتاب آذربایجان » درگی سینین 54 – ینجی ساییسی دا یاییلدی . بو سایی خرداد آیینین 17 سیندن بوتون دكه لرده ساتیلیر . بو سایی دا « ائل دردینی چكن قوجامان » آدلی بیر یازی دا پروفسور دوكتور جواد هئیت ایله اؤزل دانیشیقی ، « 1390 و تئاتر تبریز » یازیسی ، « آذربایجانین ایلك قادیت دفترداری » ، « بؤیوك در شهری كوچك » ، « یك جلسه تمرین با تیم قهرمان فوتبال نابینایان » و نئچه اؤنملی یازینی اوخویا بیلرسیز . « رادیو گجیل » و « پیس اوشاق » بؤلوم لری ده یادیزدان چیخماسین !





آچار سؤزلر : آذربایجان,

آذربایجان - دوچرخه سواری

+0 به یه ن

آذربایجانین دوچرخه سواری تورو آغلار – گولر آیینین 23 – دن ، 28 – نه قدر دوغو و باتی آذربایجان و اردبیل استانلاریندا كئچیریله جك . كئچن آی تورون بینؤره سین قویان « اكبر گهرخانی » جنابلاری دونیاسینی دئییشدی و بو ایل بو تور بو كیشینی داها گؤرمه یه جك . بو توردا 15 خارجی تیم و 6 ایرانلی تیم آیاق ویراجاقلار . بو تیملردن توركیه نین " برسیا اسپور " و " شكر اسپور تیملری ایتالیانین " MICHE – GUERCIOTTI " و " AMORE & VITA " تیملری و استرالیا ، گونئی آفریقا ، ژاپن ، مالزی ، قزاقستان ، بئلژیك ، آلمان و هنگ كنگ ایله سوییس دن بیرلشمیش تیملر واردیلار . بیرده اوزبكستان و قزاقیستانین میللی تیملری ده واردیلار .

همی ده تبریزین " پتروشیمی " و " سورن " تیملری ، اردبیلین " پانا " تیمی ، اورمونون " جوانان خیر " تیمی ، كرمانین " ولی عصر " تیمی و " دانشگاه آزاد " تیملری ده ایراندان بو تور دا واردیلار .

 




آچار سؤزلر : آذربایجان,

آذربایجان تقویمی

+0 به یه ن

آذربایجان تاریخینده باش وئریشلرین چوخی بیزیم تقویم لرده یازیلمیییب . بونلاردان اولان ، بویوك آدام لارین دوغوم گونلری و دونیالارین دئییشماق گونلری ، بویوك فولكولوریك گونلریمیز ، همی ده آذربایجان میللتینه باغلی اولان گونلردن دی . بو یازی دا بیر تقویم سیزین اوچون قویموشام ، اونو دانلود ائلییین ، اوندان آذربایجان میللتین اؤنملی گونلرین اؤرگه نین . نظرلریزی گؤزلیرم !

دانلود




آچار سؤزلر : آذربایجان,

آذربایجان والنتاینی

+0 به یه ن

آذربایجان والنتاینی

سونای، سئوگی لر گونو

سونای گئجه سی، آزربایجاندا ابدی سئوگی گونودور. بو گئجه و بو گون باشقا كولتورلردن گلن والنتاین گونویله برابر دیر. شهریورین 31 جی گونو سونای گونو و گئجه سی بیز آزربایجانلی لارین طرفیندن " سئوگی لر گونو " عنوانیندا گوتلانیب، بو گون اؤز سئودییمیزه بیر هدیه آلماق لا بو گونو داها آرتیق یادلارا سالماق اولار.

« سونای » یا همان « سون آی » یایین آخیرلاریندا سون آیلی گئجه لرده چیاخان آیا دئییلیر. بو زامان اكین دریولوب، خیرمن لر ییغیلار آما هله پاییز دوشمه میش اولار. بو گئجه آی لا گونش 180 درجه زاویه ده اوزله شیرلر. دئمك اولار بونلار بیر بیرلر ایله اوز اوزه قالیب، بیر – بیرینین اوزون بوتون گؤرورلر. آنجاق بو گؤرمه چوخلو تله سیك حالدا اوز وئریر.بئله كی پاییزین اعتدالی اولدوغونا گؤره گئجه و گوندوز برابر دیلر. بو گئجه سانكی آی ایله گون گیزلن پانج اویناییرلار. بیری او بیرسینه چاتماق ایسته ییر آما چاتا بیلمیر. سانكی آی گونشین آردیجا قاچیب آما یئتیشه بیلمیر. آی بئله لیك له اسطوره لر ده سئودالانیر. ائله اولور كی خالقی دا سئودالاندیریر. خالقین سئودالی گؤزلرینده آیین دولاشیغی داها سئودالی گؤروشور.

سونایین سوداسی سونسوزدور. بلكه ده ابدی تیكرارلانان بیر سئودا دیر. هر ایل بیر تاپماجا كیمی، بیر گیزلن پانج كیمی تیكرارلانیر.

بو گؤزل دوشونجه آزربایجانین ان اسكی دوشونجه لریندن دیر و اونون یاشی ایسلام دان قاباغا یئتیشیر. هله ده بعضی كندلر ده ائله اسكی چاغلارا تای بو گئجه ییغیشیب، اویناییب و بوتون آیین سئوداسین قوتلارلر.

بو گونون هدیه لری بیر گول و یا هر عشق معناسی وئرن بیر هدیه اولا بیلر. سونایین هدیه سینده آی دان بیر اثر اولورسا، داهادا گؤزل اولار.




آچار سؤزلر : آذربایجان,

آذربایجان توركجه سی نین هیند-آوروپا دیللرینه اوستونلویو

+0 به یه ن

آذربایجان توركجه سی نین هیند-آوروپا دیللرینه اوستونلویو

بو مقاله ده تورك دیل و لهجه لریندن آذربایجان لهجه سیله هیند-آوروپا دیللریندن پارسجانی بیر بیریله مقایسه ائده رك توركجه نین اوستونلوكلرینی قیساجا ایضاع ائتمگه چالیشاجاغام.

بو ساحه ده 500 ایل اونجه تورك دونیاسی نین بویوك شاعیری و دولت آدامی امیر علیشیر نوایی، چاغی نین تورك شاعیرلرینین اكثریتی آنا دیللرینی حقیر گوروب اثرلرینی پارسجا یازدیقلاری اوچون ناراحات اولوب مشهور محاكمه اللغتین اثرینی یازمیش و اورادا بئله بیر ایفاده ایشلتمیشدیر:

تورك دیلینده اینجه لیك و ظرافت چوخدور. آنجاق اونلاری ایشلتمك آسان دئییل. یعنی شعر سویله مگه باشلارین كیمسه لر بو چتین لیكلردن قوخوب، پارسجانی اوستون توتورلار. زامانلا بو ایش عادت و خوی حالینی آلیر. حالبوكی توركجه دویغو و دوشونجه لری ایفاده ائتمك اوچون داها اویقون و داها یئترلی دیر. آنجاق توركجه ایله هنر گوسترمك و گوزل شعر سویله مك هر كسین ایشی دئییلدیر.



آرديني اوخو

آچار سؤزلر : تورکجه, آذربایجان,


radyo dinle